DHAMBAALO

WAA IN LAYSU NASEEXEEYAA

Alle kor ahaaye wuxuu yiri:

84. “ Mu’miniinta uun baa walaalo ah’. Suuradda Al-Xujuraat: Aayadda 10.

Wuxuu kaloo yiri kor ahaaye: oo uu ka soo weriyey inuu Nuux (C.S.) yiri isagoo dadkiisii la hadlaya: 

85. “ Waa aan idiin naseexaynayaa”  Suuradda Al-Acraaf Aayadda 26.

Huud Alle wuxuu sheegay inuu yiri:

85a. “ Waxaan idiin ahay naseexo wadeen aammin ah’. Suuradda Al-Acraaf: Aayadda 68.

181. Tamiim ibn Aws Ad-daari (A.K.R.) wuxuu yiri: Nebigu (S.C.W.) wuxuu yiri: “ Diintu waa waano”. Waxaannu niri: Rasuulkii Alloow yay u tahay? Wuxuu yiri: ‘ waxay u tahay Alle, Qur’aanka, rasuulkiisa, iyo muslimiinta- dawladda iyo dadweynaba’. (Muslim)182. Jariir bin Cabdullaah (A.K.R.) wuxuu yiri: “ Waxaan Rasuulka Alle Axdi kula galay inaan salaadda oogo oo sekada bixiyo, iyo inaan wanaag la jeclaado qofkasta oo muslim ah oo u naseexeeyo’. (Bukhaari iyo Muslim)

183. Anas (A.K.R.) wuxuu yiri: Nebigu (S.C.W.) wuxuu yiri: “ Qofkiin mu’min dhan noqon mahayo jeer uu walaalkiis Islaamka la jeclaado waxa uu naftiisa la jecel yahay”. (Bukhaari iyo Muslim)

• Prev
• Next